Sentinella

Nuttata 'e Pierigrotta tutti dormono
'ncoppo a 'sta cima 'e monte conquistata,

i' faccio 'a sentinella e sto scetato:
nu passo; nu rummore, - chi va là?-
E vui Napiulità che state a Papule
chista nuttata vui comm'à passate?
Ce jate a Pierigrotta o nun ce ghiate?
ce sta chi 'na canzone cantarà!

Vurria ca 'nù segnale
facessev'a Pusilleco
pe' me puté ‘nfurmà
e n'áuto tale e quale pa dirve: v'aringrazio,
io ve facesse 'a cca!

Nuttata 'e Pierirotta e che silenzio
pure e cannune mo' se so’ addurmute,
'na voce arriva a 'ste muntagne mute,
vene da'o mare mio pe’ mme chiammà!
E vui paisane mie, che state a Papule
ve chiama o no 'stanotte chistu mare
ne tene sempe varche 'e marinare
'na varchiata ve putite fa!

Mannateme ‘a risposta
co nu signale subbeto
facitela vulà.
Si me scrivite 'a posta
Ritarda o po’ succedere
Ca nun me truvarrà!


E tu Carme' ca sient 'á sbattere
o core ‘mpietto a me pure ‘a lontano
Comm’io m’’o sentenno sott’a mano
Che fai stanotte chiagne, ma pecchè?
Si è tanto bell’ancora ‘o cielo ‘e papule,
si tene ancora ‘e stelle ca teneva,
si dice ancora ‘e cose ca diceva,
guardanno in cielo, parlarrai cu’mme!

Cca u cielo e tutt’e stelle
Ca chiagnono, ma ’e lacrime
Nun ponno fa’ verè.
Io guardo ‘e dduje cchiù belle
Una sumiglia a mammema
L’ata sumiglia a tte!